Yapo mambo mengi sana huwa tunafanya hadi mtu anafika wakati anajishangaa mwenyewe vile anafanya mambo.

Kama sio yeye kujishangaa, wale wanaomzunguka wanakuwa wanamshangaa vile anafanya mambo makubwa. Wakati mwingine watu wanakuwa na shauku ya kutaka kufahamu nini chanzo cha kuweza kufanya hayo.

Wapo wanaotambua uwezo mkubwa, au mambo makubwa wanayoyafanya hadi ulimwengu unashangaa. Yupo anayewawezesha kufanya hayo yote ambaye ni Mungu.

Wapo pia wasio tambua uwezo mkubwa walionao, wanaona ni urithi kutoka kwa wazazi wao. Wanasahau nafasi ya Mungu katika uwezo mkubwa walionao yeye ndiye amewafanya wawe hivyo.

Tunapaswa kuelewa kwamba, uwezo tulionao, au mafanikio tuliyonayo, yawe mafanikio ya kielimu, au kifedha, Mungu ametuwezesha kufanikiwa hivyo.

Rejea: Kwa kuwa wewe u taa yangu, Ee BWANA; Na BWANA ataniangazia giza langu. Maana kwa msaada wako nafuatia jeshi; Kwa msaada wa Mungu wangu naruka ukuta. 2 SAM. 22:29‭-‬30 SUV.

Kwa msaada wa Mungu tunaweza kushinda vita, kwa msaada wa Mungu tunaweza kuruka kuta zilizowekwa/zilizosimama mbele yetu kama kikwazo cha kutuzuia kwenda mbele.

Kwa msaada wa Mungu tunaweza kumtumikia Mungu kwa viwango vya juu, na watu wakabarikiwa na huduma zetu tunazozitoa.

Kwa msaada wa Mungu tunaweza kushinda majaribu mbalimbali tunayokutakana nayo kwenye maisha yetu ya kila siku.

Ikiwa ni hivyo tunapaswa kujifunza kumtegemea Mungu pekee, sio hivyo tu, tunapaswa kutambua nafasi ya Mungu katika maisha yetu.

Kila tunakichokifanya na kupata mafanikio, tujue aliyetuwezesha kufanikiwa ni Yesu Kristo. Hii itatufanya tuendelee kunyenyekea zaidi mbele zake, na kuendelea kumzalia matunda mema.

Mungu akubariki sana.
Samson Ernest
www.chapeotz.com
+255 759 80 80 81